Reshjet e dendura të borës, kanë bllokuar rrugët që çojnë në lagjen e shtëpizave në Kodrën e Diellit. Edhe pse ka pasur informacione për motin e lig dhe reshje të borës, komuna e Tetovës nuk ka reaguar në kohë. Nga Komuna e Tetovës thonë se ekipet e Ndërmarrjes janë në terren për të pastruar rrugët e fshtarave të malësisë së Tetovës dhe rrugën në lagjen e vikend shtëpizave, shkruan Nistori.
“Ekipet e Ndërmarrjes Publike Komunale janë në terren dhe të shpërndarë edhe nëpër fshatrat e Malësisë së Tetovës. Po punohet që të gjitha rrugët të jenë të lira dhe të kalueshme. Po ashtu, edhe për tek vikend shtëpizat ekipet e NPK-së janë nisur për të intervenuar”, thonë nga Qendra e informimit të Komunës së Tetovës.
Ndryshe, edhe në Qendrën e Skijimit, në funksion janë vetëm ski-ashensorët “Aerodrom” dhe “Kroni”. /Nistori/
Përgatiti: Sumeja Hamzi