Banorët e Shkupit u zgjuan nga smogu mëngjesin e sotëm dhe qyteti u gjend sërish në listën famëkeqe të renditjes së qyteteve më të ndotura në botë, duke zënë vendin e 9-të sipas platformës “IQAir”, e cila monitoron ndotjen e ajrit në kohë reale.
Kryeqyteti i Maqedonisë, me indeks të cilësisë së ajrit prej 166, është në listë së bashku me qytetet nga India, Kina dhe Pakistani që njihen për cilësinë e dobët të ajrit. Sipas platformës, aktualisht ndotja e ajrit në Shkup është e dëmshme për shëndetin.
Ndotja konfirmohet edhe nga stacionet matëse individuale të instaluara në të gjithë kryeqytetin. Sipas platformës pulse.eco, në shumicën e stacioneve matëse anembanë Shkupit aktualisht janë regjistruar nivele jashtëzakonisht të larta të grimcave PM10. Më i ndotur është në Kisella Vodë, ku janë matur pothuajse 400 µg/m3 grimca PM10, ndërsa mbi 200 µg/m3 janë regjistruar edhe në qendër të qytetit dhe komunat Butel, Gazi Babë dhe Aerodrom.
Në të njëjtën kohë, stacionet zyrtare matëse të Ministrisë së Mjedisit për disa ditë nuk po mbledhin të dhëna për ndotjen në mbarë Shkupin. Që nga 24 dhjetori mungojnë të dhënat për pesë nga gjashtë stacionet e Ministrisë, ndërsa nuk ka të dhëna as për stacionin matës mobil në Gjorçe Petrov. Stacioni matës në Gazi Babë është i vetmi që funksionon, ku në matjen në orën 8 të mëngjesit janë regjistruar 114 µg/m3 grimca PM10.
Situata nuk është më e mirë në pjesët e tjera të Maqedonisë së Veriut. Nivele të larta të ndotjes së ajrit në orën 08:00 kanë qenë në Manastir (181 µg/m3), Strumicë (151 µg/m3), Prilep (135 µg/m3), Berovë (93 µg/m3), ndërsa Kavadar (70 µg/m3) dhe Gostivar (60 µg/m3) janë më pak të ndotur, por ende janë mbi nivelin maksimal të lejuar. Ministria paraprakisht informoi se për shkak të problemeve me sistemet e rrjetit të MMJPH dhe instalimit të pajisjeve të reja serverike, nuk janë të disponueshme të dhënat nga pikat matëse Tetovë dhe Gjevgjeli.
Për shkak të nivelit të lartë të ndotjes së ajrit, Ministria e Bujqësisë dhe Pylltarisë njoftoi të shtunën se janë në fuqi rekomandimet dhe masat për tejkalimin e pragut të alarmit të grimcave me madhësi deri në 10 mikrometra, kështu që aktualisht rekomandimet për Lirimi nga puna i grupeve të rrezikuara, riorganizimi i orarit të punës, i personave që punojnë jashtë, anulimi i aktiviteteve sportive dhe kulturore në natyrë dhe rritja e aktivitetit të shërbimeve të urgjencës mjekësore.
Ndërmarrja për transport publik – Shkup dje njoftoi se masa për transport publik falas do të hyjë në fuqi deri në përfundimin e gjendjes alarmante.
Prej katër ditësh qyteti i Shkupit qëndron në krye të listave për ndotjen e madhe të ajrit, së bashku me disa qytete tjera botërore nga Kirgistani e Pakistani.
