Zaev: BE nuk duhet t’ua hap dyert euroskeptikëve, ta mbajë fjalën e dhënë për RMV-në

    Integrimet europiane nuk duhet të jenë peng i çështjeve bilaterale. Negociatat me BE-në nuk duhet të shndërrohen në negociata me Bullgarinë. Përparimi ynë në integrimet europiane duhet të varet kryesisht nga reformat e brendshme në lidhje me kapitujt, legjislacionin e BE-së dhe arritjen e standardeve evropiane, shkroi kryeministri Zoran Zaev në profilin e tij në Facebook.

    “Udhëheqësit europianë duhet ta marrin seriozisht faktin se zhgënjimet e pafundme dhe të përsëritura në mënyrë të pashmangshme u hapin derën dhe i inkurajojnë euroskeptikët. Kjo është arsyeja pse BE-ja duhet të gjejë një formulë për të mbajtur fjalën e saj dhe për të vazhduar zgjerimin e Ballkanit Perëndimor.

    Ne kemi treguar guxim dhe vullnet të sinqertë për të zgjidhur marrëdhëniet dypalëshe nëpërmjet respektit të ndërsjellë dhe mbrojtjes së dinjitetit kombëtar”, ka deklaruar Zaev ndër të tjera.

    Lajmi Paraprak

    BE nuk pajtohet për takimin me Putinin

    Lajmi i rradhës

    Në lojë është drejtimi i Gjermanisë | Çfarë pas Merkelit?

    Lajme tjera

    Bashkohu

    Informohu në kohë