Të paktën nëntë persona kanë vdekur pas një zjarri të premten në një spital të Rumanisë.
Sipas medieve të huaja, inspektorati i situatave emergjente të Rumanisë tha se incidenti ka ndodhur në qytetin Konstanca në Detin e Zi.
Bazuar në deklaratën e tyre thuhej se zjarri tani ishte shuar dhe të gjithë pacientët u evakuuan.
Gjatë kohës së zjarrit, ishin 113 persona që trajtoheshin në spital, 10 gjendeshin në kujdes intensiv.
Ministri i Shëndetësisë, Attila Cseke, ka deklaruar se shkaqet e zjarrit ende nuk dihen, por që ishte hapur një hetim.
