Florian Nesimi
Pretendimet se Komuna nuk është institucionalisht e lidhur me spitalin nuk qëndrojnë, sepse në kuadër të Komunës prej muajit mars 2020 (një vjet e gjysmë) funksionon Shtabi i Krizës.
Gjatë gjithë periudhës që nga paraqitja e pandemisë, Shtabi i Krizës gjithnjë na i publikonte të dhënat e numrave të shtretërve të lirë në spital, dhe lavdërohej se personat e infektuar trajtohen maksimalisht në Spitalin e Tetovës.
Komunës kur i konvenon situata del e lavdërohet me të arriturat e spitalit, ndërsa në rastet e rënda thonë se nuk kanë lidhje institucionale me spitalin.
Kjo qasje e tyre jo-serioze është skajshmërisht e papranueshme për qytetarët. Bëhuni pak më seriozë në këto çaste të vështira. /Nistori/