Hasim Memishi – Sopi
Themeluesit e Shkëndijës kanë qenë burra të mençur që nga krijimi i emrit. “Shkëndijë” domethënë diçka që është gati të eksplodoj, diçka që krijon ankth, panik dhe frikë për kundërshtarin, ajo mban këtë emër me krenari gati pesë dekada!
Gjëja kryesore që i ka munguar këtij klubi është stadiumi i mirëfilltë, ku Shkëndija do të mund të zhvilloj garat ndërkombëtare!
Shkëndija edhe kur luan si nikoqir në garat ndërkombëtare, ajo llogaritet si mysafir pasi luan 50 kilometra larg vendit të vet; kjo gjë shpesh e ka penalizuar këtë klub dhe për këtë gjë nuk është mërzitur asnjë politikan, përveç tifozëve!
E kur është fjala për të fituar pikë politike, shumica e politikanëve vrapojnë që në kuadër të suksesit të Shkëndijës ta fshehin dështimin e vet disa vjeçar!
Politikanë që shkojnë në stadium të veshur me kollare e kostume të shtrenjta, me vetura luksoze e truproje, kurse në anën tjetër stadiumi nuk ka WC.
Poqë se do kishin shitur veturat zyrtare, do ta kishin ndërtuar një stadium sa hap e mbyll sytë, mirëpo ata duan ta marrin vetëm suksesin e klubit, e jo të pranojnë dështimin e tyre!
Në stadiumin ku s’ke ku të ulesh, ku nuk ke se ku urinon gjatë ndeshjes, ku nuk mund të futesh në derë pa mos e grisur pallton dhe këpucët nga telat që kanë dalë nëpër tribinë, s’është turp për ata që e kanë lënë në këtë gjendje!
Politikanët janë në gjendje që edhe poenat e supermarketeve t’i shndërrojnë në pika politike, por kjo gjë është e pamundur!
Unë mendoj se edhe pikët që mundohen t’i marrin nëpërmjet sportit janë po aq të pamundura!
Krijoni kushte për sportin dhe mundësojeni që suksesin ta shijojnë tifozët!
*Të drejtat e shkrimit i kanë vetëm Nistori.com dhe autori!
