Rruga drejt Kupës së Botës në Katar po hyn në fazën e saj të fundit. Mbetet për t’u ditur tani vetëm fati i skuadrave që janë kualifikuar në botëror, kundërshtarët e tyre në fazën e grupeve dhe kalimet dhe përplasjet e mundshme me të cilat do të përballen në fazën eliminatore.
Një nga momentet më emocionuese në botën e futbollit është ky short që, një herë në katër vjet, e sjell planetin në një ndalesë, në mënyrë që tifozët nga të gjitha anët e botës të mund të zbulojnë fazën e fundit të grupeve.
Kur hidhet shorti i Kupës së Botës në Katar?
Shorti për fazën e grupeve të Kupës së Botës “Katar 2022” do të hidhet të premten, më 1 prill në orën 12:00, në një ngjarje gala që do të mbahet në Qendrën e Ekspozitave dhe Konventave në Doha të Katarit.
Shorti do të përcaktojë përbërjen e tetë grupeve me katër skuadra që do të përbëjnë fazën e parë të Botërorit të Katarit.
Pasi 32 skuadrat të jenë ndarë në tetë grupe, do të jetë koha për të parë fazën eliminatore, pasi tashmë është përcaktuar edhe orari i ndeshjeve. Fituesi i grupit A do të përballet me të dytin e grupit B, i dyti i grupit A me fituesin e grupit B dhe kështu me radhë me pjesën tjetër të grupeve CD, EF dhe GH.
Skuadrat e kualifikuara për Botërorin 2022
Katari
Gjermania
Danimarka
Brazili
Franca
Belgjika
Kroacia
Spanja
Serbia
Anglia
Zvicra
Holanda
Argjentina
Irani
Koreja e jugut
Japonia
Arabia Saudite
Ekuador
Uruguai
Kanadaja
Gana
Senegali
Portugalia
Polonia
Maroku
Tunizia
Kameruni
Vazot për Kupën e Botës në Katar
Katari, si mikpritës, do të vendoset dhe do të caktohet direkt në slotin A1, pra do të luajë në Grupin A. Shtatë skuadrat e tjera të ndara do të jenë shtatë skuadrat me renditjen më të lartë të FIFA-s.
Vendet që zënë pozicionet 8-15 në renditje do të vendosen në vazon 2, ndërsa ato të renditura 16-23 me pozicionin më të mirë do të vendosen në vazon 3. Së fundi, vazo 4 do të përfshijë skuadrat e renditura 24-28, ku do të përfshijnë dy fituesit e “play-off”-it ndërkontinental dhe fituesin e mbetur të “play-off”-it të UEFA-s (Uellsi kundër fituesit të ndeshjes Skoci-Ukrainë).
32 teams. 1 ball to make their dreams a reality ⚽
— FIFA World Cup (@FIFAWorldCup) March 30, 2022
Introducing Al Rihla, the #OfficialMatchBall of the 2022 #WorldCup
The countdown to Qatar starts now#Qatar2022 | @adidasfootball pic.twitter.com/LauuuVSO8h
VAZO 1
Katari
Belgjika
Brazili
Franca
Argjentina
Anglia
Spanja
Portugalia
VAZO 2
Danimarka
Holanda
Gjermania
Meksikë*
Shtetet e Bashkuara të Amerikës*
Zvicra
Kroacia
Uruguai
(*) nënkupton ekipet nëse kualifikohen drejtpërdrejt.
VAZO 3
Senegali
Irani
Japonia
Maroku
Serbia
Polonia
Koreja e jugut
Tunizia apo Kanadaja
Skuadra e parë në renditje më 31 mars, Kanadaja ose Tunizia, do të jetë në vazon 3.
VAZO 4
“Play-off”i Azi-Conmebol
“Play-off”-i Oqeani-Concacaf
Një vend nga fituesi i ndeshjes mes Uellsi kundër Skoci ose Ukrainë
Arabia Saudite
Ekuadori
Gana
Kameruni
Tunizia apo Kanadaja
Who are you most looking forward to seeing in @Concacaf action? 🌎✨#WCQ | #WorldCup pic.twitter.com/6GfvQCTfVO
— FIFA World Cup (@FIFAWorldCup) March 30, 2022
Formati dhe orari i Kupës së Botës “Katar 2022”
Kupa e Botës në Katar, me 32 skuadra, do të mbajë një format klasik me tetë grupe me nga katër skuadra që do të luajnë tre ndeshje mes vete. Dy fituesit e parë nga secili grup do të kalojnë në raundin e 16-të dhe do të përballen me njëri-tjetrin në formatin e mëposhtëm: A vs B, C vs D, E vs F dhe G vs H.
Në Kupën e Botës, ndryshe nga sa ndodh në Kampionatin Evropian, ka një ndeshje shtesë, ndeshjen e vendit të tretë dhe të katërt që luajnë dy skuadrat që humbasin në gjysmëfinale. Kjo ndeshje luhet një ditë para finales.
Faza e grupeve: Nga 21 nëntor deri më 2 dhjetor
Raundi i 16: 3 deri më 6 dhjetor
Çerekfinalet : 9 dhe 10 dhjetor
Gjysmëfinalet: 13 dhe 14 dhjetor
Vendi i tretë dhe i katërt: 17 dhjetor
Finalja: 18 dhjetor /Telegrafi/
