Lëvizja e Lionel Messit te Inter Miami erdhi pas muajsh flirtimi publik me klubin e vjetër Barcelonën, teksa ai planifikoi lëvizjen e tij të radhës pas largimit nga Paris Saint-Germain.
E ardhmja e legjendës argjentinase ishte subjekt i raportimi të ashpër gjatë verës së vitit 2023. Kontrata e tij me PSG-në ishte afër skadimit dhe ambientimi me gjigantët francezë ishte i vështirë, duke dështuar të fitonte zemrat e tifozëve të klubit aty ku qëndroi për dy sezone.
Barça natyrisht ishte e interesuar të kthente lojtarin më të madh të klubit në Kataloni dhe madje ishte e sigurt se do të njoftonte rikthimin e Messit gjatë afatit kalimtar. Liga Saudite ishte gjithashtu si një destinacion i mundshëm përpara se Inter Miami të ‘rrëmbente’ kreun dhe ta sillte Messin në MLS.
Megjithatë, kalimi i Messit në Amerikë nuk i ka ndalur thashethemet për një rikthim në Barcelonë një ditë. Në fakt, thashethemet që kanë qarkulluar, sugjerojnë se 36-vjeçari mund të ri-nënshkruajë për blaugranasit në formë huazimi nëse Inter Miami nuk ia del dot të kualifikohet në playoff të MLS.
Messit iu mohua lamtumira e fundit në fushë kur u largua nga Barcelona në vitin 2021, me krizën financiare të klubit që e pamundësoi nënshkrimin e një kontratë të re, por një ribashkim përmes një ndeshjeje miqësore është diskutuar së fundmi nga presidenti i klubit të Inter Miami, Jorge Mas.
Në një intervistë për “El Club del Deportista” ai tha: “Largimi i Messit nga Barcelona nuk ishte sipas dëshirës së tij, ai nuk mund t’i thoshte lamtumirë klubit të tij që e mirëpriti si fëmijë dhe mendoj se rrethanat nuk ishin ato që donte Lionel”.
“I dhashë premtimin tim se do të bëj gjithçka që është e mundur në vitet e ardhshme për t’i dhënë atij mundësinë për t’u thënë lamtumirë tifozëve të tij në Barcelonë. Inter Miami do të shkojë ose ne do ta organizojmë atë ndeshje”, u shpreh Mas.
Nuk ka asnjë shenjë momentalisht nga Messi se dëshiron një rikthim në Evropë sapo të përfundojë sezoni me Inter Miamin.
Barcelona i ka dhënë minuta të konsiderueshme të huazuarit Joao Felix dhe adoleshentit Lamine Yamal dhe deri më tani janë të kënaqur me paraqitjet e tyre.
