Sulmuesi polak shihet si zëvendësim ideal i yllit Kylian Mbappe. Gjigandi francez Paris Saint-Germain është duke e planifikuar një lëvizje sensacionale për sulmuesin Robert Lewandowski, vetëm në Kylian Mbappe largohet nga klubi, raporton Le10Sport.
Mbappe pritet të largohet nga parisienët verën e ardhshme, kur edhe i skadon kontrata aktuale e tij, dhe aktualisht spekulohet se do të kalojë te Real Madridi, përcjell KosovaPress.
Pas spekulimeve që Mbappe mund të largohet, klubi i PSG tani raportohet se është duke e konsideruar Lewandowskin si transferimin kryesor në afatin e ardhshëm të transferimeve.
Sulmuesi polak është njëri nga më të mirët në botë, ku sezonin e kaluar në 40 paraqitje për gjigantin gjerman Bayern Munich, regjistroi plot 48 gola mbi emrin e tij.
