Pas një rënie të vazhdueshme të prodhimit industrial për disa muaj rresht, janë regjistruar rezultate pozitive. Enti Shtetëror i Statistikave njoftoi se industria shënoi rritje prej 4 për qind në bazë vjetore, krahasuar me korrikun e këtij viti me të njëjtin muaj në vitin 2024. Megjithatë, situata nuk është shumë e mirë. Ka deficite serioze prodhimi në një pjesë të madhe të sektorëve industrialë.
Të dhënat nga statistikat shtetërore tregojnë se prodhimi industrial në Sektorin e minierave dhe gurores në korrik 2025, krahasuar me korrikun 2024, shënoi një rënie prej 10.4 për qind, në Sektorin e prodhimit u shënua një rritje prej 7.0 për qind, dhe në Sektorin e furnizimit me energji elektrike, gaz, avull dhe ajër të kondicionuar një rënie prej 7.5 për qind.
Në përgjithësi, industria shënoi një rritje, pasi sektori i Prodhimit shënoi rezultate pozitive në korrik, kryesisht në departamentet e mëposhtme: prodhimi i produkteve të duhanit, prodhimi i tekstileve, prodhimi i veshjeve, shtypja dhe prodhimi i mediave të regjistruara, prodhimi i produkteve të gomës dhe produkteve të drurit, plastika, prodhimi i produkteve të tjera minerale jometalike, prodhimi i produkteve metalike të fabrikuara, përveç makinerive dhe pajisjeve, prodhimi i pajisjeve elektrike, prodhimi i makinerive dhe pajisjeve, të papërcaktuara diku tjetër, prodhimi i automjeteve, rimorkiove dhe gjysmërimorkiove dhe prodhimi i mobilieve. “Sipas grupeve kryesore industriale, prodhimi në korrik 2025, krahasuar me korrikun 2024, shënoi një rritje në mallra të ndërmjetme, përveç energjisë me 12.5 për qind, mallra kapitale me 18.6 për qind dhe mallra të qëndrueshme të konsumit me 2.9 për qind, ndërsa një rënie u shënua në Energji me 6.5 për qind dhe mallra të qëndrueshme të konsumit me 8.5 për qind”, thuhet në raportin e ESHS-së.
Për më tepër, raporti thekson se prodhimi industrial në periudhën janar-korrik 2025, krahasuar me periudhën janar-korrik 2024, është rritur me 3.0 për qind.
Të dhënat tregojnë se ndikimin më të madh në rritjen e prodhimit industrial në korrik 2025, krahasuar me korrikun 2024, e pati prodhimi i pajisjeve elektrike me 15.3 për qind, i ndjekur nga prodhimi i makinerive dhe pajisjeve, të papërcaktuara diku tjetër me 4.6%, dhe prodhimi i automjeteve, rimorkiove dhe gjysmërimorkiove me 26.5 për qind.
Megjithatë, e kundërta ndodhë me numrin e punëtorëve në industri. Nëse është rritur prodhimi, ndjeshëm ka rënë numri i punonjësve në sektorin e industrisë.
Në korrik të këtij viti, numri i të punësuarve në industri është zvogëluar për 3.8% krahasuar me korrikin е vitit 2024. Numri i punëtorëve në sektorin Minierat dhe gurorët gjatë muajit korrik të vitit 2025, krahasuar me periudhën e njejtë të vitit paraprak, shënon rënie për 2.4 % në sektorin Industria përpunuese për 4.0 %, ndërsa në sektorin Furnizime me energji elektrike, gaz, avull dhe ajër të kondicionuar për 0.5 %.
Sipas grupeve kryesore industriale, numri i të punësuarve në industri gjatë muajit korrik të vitit 2025, krahasuar me periudhën e njejtë të vitit paraprak, shënon rënie tek Energjia për 1.9 % Prodhimet kapitale për 8.8 %, dhe Prodhime jo të qëndrueshme për konsum të gjërë për 3.8 %, ndërsa rritje vërehet te Prodhime të qëndrueshme për konsum të gjërë për 9.6 % dhe Produktet intermediare, përveç energjisë për 0.3%. Numri i punëtorëve në industri në periudhën janar-korrik të vitit 2025 krahasuar me periudhën janar-korrik të vitit 2024, është zvogëluar për 4.0%. /Koha/
