Aleanca NATO ka deklaruar tashmë mbështetjen e parezervë për Ukrainën ndaj agresorit rus.
Aleatët e NATO-s po rrisin mbështetjen e tyre politike dhe praktike për Ukrainën, ndërsa ajo vazhdon të mbrohet kundër pushtimit të plotë të Rusisë. Mijëra armë antitank, qindra raketa të mbrojtjes ajrore dhe mijëra armë të vogla dhe municione po dërgohen në Ukrainë. Aleatët po ofrojnë gjithashtu ndihmë financiare dhe humanitare në vlerë prej miliona eurosh, duke përfshirë furnizime mjekësore për të ndihmuar forcat ukrainase, përcjell Nistori.
Sekretari i Përgjithshëm i NATO-s Jens Stoltenberg tha: E mirëpres që aleatët po radhiten për të mbështetur Ukrainën, me pajisje shtesë ushtarake, ndihmë financiare dhe ndihmë humanitare. Vetë-mbrojtja është një e drejtë e sanksionuar në Kartën e OKB-së dhe aleatët po e ndihmojnë Ukrainën ta mbajë këtë të drejtë. Kjo dërgon një mesazh të qartë të mbështetjes së plotë të NATO-s për sovranitetin dhe integritetin territorial të Ukrainës.
Këto kontribute shtesë bazohen në ndihmën shumëvjeçare të NATO-s për Ukrainën. NATO ka ndihmuar në trajnimin, financimin dhe reformimin e forcave të armatosura dhe institucioneve të mbrojtjes të Ukrainës që nga viti 2014. Në krizën aktuale, Aleanca po ndihmon në koordinimin e kërkesave të Ukrainës për ndihmë dhe po mbështet aleatët në dhënien e ndihmës humanitare dhe jovdekjeprurëse. /Nistori/
