Edhe pse u njoftua nga KSI se janë siguruar ekipet dhe punonjësit shëndetësor për të filluar testimin skrining në shkollat fillore, testimi i nxënësve për Covid-19 në shumicën e shkollave fillore të vendit nuk filloi as sot.
Ministria e Shëndetësisë njofton se janë siguruar pesë mijë pëlqime nga prindërit për testimin e nxënësve, ndërsa në bazë të marrjes së pëlqimeve të prindërve është bërë plan për realizimin e skriningut në terren, i cili sipas Ministrisë së Shëndetësisë ka filluar në disa shkolla ndërsa do të vazhdojë të hënën.
Në kuadër të fazës së parë do përfshihen shkollat fillore të Shkupit ndërsa do kyçen ekipe mjekësore nga Qendra për Shëndet Publik dhe Shtëpia e Shëndetit Shkup.
