Nëse është e nevojshme, do të sjellim masa të reja për t’i mbështetur gastronomët dhe qytetarët për shkak të vendosjes së masave të fundit kufizuese për vizitë të objekteve hotelierike dhe qendrave të mbyllura tregtare, porositi sot zëvendëskryeministri për çështjet ekonomike Fatmir Bytyqi.
“Si çdoherë i përcjellim masat kufizuese të sjella dhe nëse vendosim së bashku se implikimet financiare janë aq të mëdha sa që kërkojnë mbështetje, do të ulemi dhe do të flasim. Sigurisht, masat do të jenë për ata që janë më të prekur”, tha Bytyqi në përgjigje të pyetjes së gazetarëve nëse Qeveria po konsideron një masë të re për të mbështetur furnizuesit e ushqimit dhe qytetarët për shkak të masave të fundit kufizuese gjatë inspektimit të sotëm gjatë ndërtimit të kanalizimit fekal në Jurumleri.
Theksoi se masat e vendosura kufizuese janë të përkohshme.
“Të shpresojmë se numrat shëndetësorë do të tregojnë se ngadalë do të mund të kthehemi në jetë normale, dhe nëse kjo nuk është e mundur dhe deri më tani kemi dëshmuar se marrim masa për ekonominë kur është e nevojshme”, theksoi Bytyqi.
