Nuk është fundi i botës nëse këtë muaj nuk marrim datën për fillimin e negociatave me BE-në, thotë profesor Nenad Markoviq në emisionin “360 gradë” në Alsat, përcjell Nistori.
Siç thotë ai, është më e rëndësishme të përcaktojmë procesin dhe të mbrohemi nga kërkesat e reja të vazhdueshme nga pala bullgare.
“Ka pak optimizëm se kjo mund të ndodhë, por nuk mendoj se është fundi i botës nëse nuk ndodh në qershor. Gjithmonë do të ketë një nëntor, dhjetor, qershor e kështu me radhë. Është e rëndësishme që procesi të përcaktohet. Unë nuk e di se çfarë do të ishte më e mira për ne, por e di se çfarë është më e keqja – në procesin e hapjes së kapitujve vazhdimisht dalin kërkesa të reja dhe të reja nga pala bullgare”, thotë Markoviq.
Koha nuk është në anën tonë
Frustrimet e situatës duhet të lihen mënjanë kur të negociojmë me Bullgarinë, sepse koha nuk punon për ne, shtoi Markoviq.
Siç tha ai, ne nuk mund të presim që bashkësia ndërkombëtare ta bindë Bullgarinë që të heqë veton tonë.
“Koha nuk punon për ne, të mos bëjmë të njëjtin gabim si me Greqinë. Si do kalojë koha Bullgaria do të ketë mundësi në forume dhe konstelacione të ndryshme politike të shpjegojë qëndrimin e saj, në tavolina ku ne nuk ulemi. Këtu është një avantazh të madh taktik ndaj nesh. Ne duhet të tregojmë proaktivitet, por jo të flemë në vesh se komuniteti ndërkombëtar do ta bindë Bullgarinë brenda natës, sepse kjo thjesht nuk do të ndodhë”, tha Markoviq. /Nistori/
