Këshilli për etikë në mediume (KEMM), në bashkëpunim me Misionin e OSBE-së në Shkup, sot organizuan ngjarje për vetërregullimin medial dhe për atë që soli pandemia. Konstatim kryesor ishte se më së shumti shkelje të standardeve të gazetarisë gjatë krizës me Covid-19 ka pasur nga ana e mediumeve online, ndërsa shkelje ka pasur edhe në rrjetet sociale. U potencua se vetërregullimi i mediumeve duhet të marrë mbështetje të fuqishme, përcjell Nistori.
Gjithashtu u diskutua se vetërregullimi bazohet në vendosjen e sanksioneve morale në media, të cilët duhet të raportojnë në mënyrë profesionale.
Përveç shkeljeve gjatë raportimit në kohëpandemie, COVID-19 ndryshoi edhe dinamikën e punës së medieve. Shumë nga debatet u zhvilluan përmes platformave online, në përpjekje për t’i respektuar masat e kërkuara të distancimit fizik. /Nistori/
