Një pjesë e madhe e qytetarëve në Maqedoninë e Veriut nuk e kanë luksin të bëjnë as një javë pushime. Gjetjet e Eurostat, apo Agjencisë Evropiane të Statistikave tregojnë se janë të larta shifrat e popullatës që ka mundësi për të përballuar koston, qoftë edhe për një periudhë shumë të shkurtër për pushime. Të dhënat tregojnë se 57 për qind e popullatës në vend nuk mund t’i lejojnë vetes pushim. Kjo përqindje është ulur me 16 për qind krahasuar me vitin 2010, kur 74.2 për qind e qytetarëve nuk mund të përballonin një pushim njëjavor. Nga ana tjetër, të dhënat e Eurostat tregojnë se në Maqedoni adër 45 për qind e popullatës ndërmjet 25 dhe 34 vjeç nuk mund të realizojnë të paktën një javë pushim larg shtëpisë, me 48.3 për qind të moshës 35-44 vjeç shprehen se e kanë të pamundur të ikin për pushime, ndërsa me shifra edhe më të larta për pamundësinë e pushimeve shprehet mosha 45-59 vjeç me 57.2 për qind. Vlerësohet se standardi i ulët i jetesës është tregues i përqindjes së lartë të popullsisë që nuk mund të përballojë pushimet.
Analizat e Fajnens Think tregojnë se 69 për qind e qytetarëve në Maqedoni nuk kanë mundësi të shkojnë me pushime apo ndonjë lloj udhëtimi të paktën një herë në vit, dhe 68 për qind e qytetarëve nuk kanë mundësi të shkojnë në kinema apo teatër. Në Analizë më tej thuhet se për 78 për qind të popullsisë në Maqedoni, paga apo pensioni është burimi bazë i parave. Pjesa tjetër mbijeton me ndihmën e prindërve, bashkëshortëve, të afërmve nga jashtë apo nga vendi. Sipas këtij hulumtimi, vetëm një e treta e popullsisë arrin të plotësojë të gjitha nevojat dhe të kursejë një pjesë të të ardhurave, 42.1 për qind arrijnë të plotësojnë vetëm nevojat për ushqim dhe faturat, dhe 28,1 për qind nuk arrijnë ta bëjnë as këtë.
Nga ana tjetër, edhe në Evropë ndonëse jo si në Maqedoni, nuk janë për të shpërfillshme përqindjet e popullatës që nuk ka mundësi të shkojë në pushime. Sipas një studimi të kryer nga Konfederata Evropiane e Sindikatave, 38 milionë njerëz apo 8 për qind e popullsisë së BE-së – duhej të kapërcejnë pushimet.
Të dhënat e Konfederatës tregojnë se rumunët, grekët dhe lituanezët u goditën më keq, me më shumë se 40 për qind të popullsisë së prekur, ndërsa në Austri, Danimarkë dhe Finlandë vetëm rreth 7 për qind e popullatës nuk mund të përballonin pushimet. Afërsisht 47 për qind e rumunëve nuk mund të përballojnë të shkojnë me pushime këtë verë as për një javë, tregon raporti nga Sindikatat Evropiane.
Greqia vjen në vendin e dytë, me rreth 43.4 për qind të të punësuarve në vend, që përkthehet në më shumë se 1.6 milion njerëz që nuk mund të përballojnë pushimet e një jave. Lituania plotëson podiumin me 41 për qind. Nga ana tjetër, kur bëhet fjalë për renditjen në aspektin e numrave absolute ajo ndryshon. Italia (8 milionë), Spanja (4,6 milionë) dhe Franca (4.1 milionë) kanë numrin më të madh të punëtorëve që mungojnë në pushim për arsye financiare.
“Pushimet nuk duhet të jenë luks. Pushimet janë një pjesë e rëndësishme e garantimit të shëndetit dhe mirëqenies së punëtorëve, por nuk mund të duken më larg për shumë njerëz që përpiqen thjesht të vendosin ushqimin në tryezë dhe të paguajnë qiranë në mes të krizës së kostos së jetesës”, thotë zëvendësja e përgjithshme e ETUC, sekretarja Esther Lynch.
Duke shtuar se jeta është një plazh për pronarët e bizneseve, që kanë përdorur pandeminë për të marrë edhe më shumë nga fitimet e krijuara nga fuqia e tyre punëtore.
ETUC bën thirrje për masa urgjente për të trajtuar “varfërinë e festave” të përjetuara nga miliona evropianë. Kriza, parashikon instituti, do të përkeqësohet nën presionin e kostove më të larta të jetesës dhe inflacionit. Kriza e kostos së jetesës po shton presionin mbi njerëzit që punojnë, me një numër në rritje që raportojnë një vështirësi për të përballuar jetesën dhe duke i bërë pushimet edhe më tepër jashtë mundësive.
Gjithashtu rritja që po vërehet në Evropë e pamundësisë së punëtorëve të shkojnë në pushim, përkon me një rritje të përqindjes së fitimit të kompanive evropiane, që do të thotë se drejtuesit dhe aksionarët grumbulluan më shumë para mes tyre në dëm të punëtorëve, thonë nga Sindikatat Evropiane.
Shumë europianë, të ardhurat e të cilëve janë nën 60 për qind të mesatares janë të papunë ose në pension, por ky grup përfshin gjithashtu miliona punëtorë me pagesë të ulët, veçanërisht ata që fitojnë pagën minimale ligjore. Pagat minimale ligjore i lënë punëtorët në rrezik të varfërisë në të paktën 16 vende anëtare të BE-së. /koha/
