Analisti Fatos Lubonja ka theksuar se Shqipëria është e rrezikuar nga qeverisja e kryeministrit Rama. Për këtë situatë Lubonja iu referua takimit të një viti më parë të kryeministrit Rama me një biznesmen ku ky i fundit i shprehte shqetësimin për mungesën e punonjësve. Në përgjigjen e tij nga ana e tij kryeministri u shpreh se kjo zgjidhet lehtë, duke marrë bangladeshas.
Sipas Lubonjës ky është një rrezik i madh që i kanoset vendit pasi edhe raportet e institucioneve ndërkombëtare e kanë renditur Shqipërinë si vendin me numrin më të lartë të kriminelëve të kapur në Europë.
“Rreziku i Shqipërisë është ajo që thotë Edi Rama, kur biznesmeni i tha s’kam punëtorë, Rama u përgjigj: Merr bangladeshash. Pra kthehem në një mjet që më përdor ai si bangladeshas pa gojë. Rreziku numer 2 është se nga vitet 2018-2020 Shqipëria ishte vend kampion për kriminele të kapur në Europë. Pra këto janë dy rreziqet që po e shkatërrojnë këtë vend dhe për të shpëtuar nga kjo duhen politika të tjera”, tha Lubonja për emisionin ‘Open’ në News 24.
