Tashkova: Fëmijët kanë zhvillim të ngadaltë në të folur për shkak të përdorimit të pajisjeve teknologjike

    “Gjithnjë e më shumë fëmijët e moshës parashkollore në ditët e sotme kanë probleme artikuluese, gjegjësisht shqiptim jo korrekt të zërave, lexim jo korrekt, probleme në përvetësimin e veprimeve matematikore, probleme me shkrimin e të ngjashme. Kjo për shkak të përdorimit të tepruar të pajisjeve teknologjike dhe komunikimit të pamjaftueshëm me fëmijët”, thotë logopedja Elena Tashkova.

    Sipas saj, nga 70 fëmijë të një gjenerate, shembull, 30% kanë probleme artikuluese.

    “Fillimisht dua të theksoj se ka fëmijë që kanë zhvillim të ngadaltë të të folurit dhe fatkeqësisht mund të konstatojmë se sot po rritet numri i fëmijëve që kanë zhvillim të ngadaltë të të folurit. Si logopede, unë jam ithtare e përmbajtjes dixhitale, aplikacioneve softuerike që përmirësojnë të folurin. Një nga arsyet kryesore në këtë kohë moderne janë pikërisht prindërit e rinj dhe ofrimi i teknologjisë moderne informative që në moshë shumë të hershme tek fëmijët”, tha Tashkova.

    Fëmijët mund të krijonë një lidhje ndihmese me logopedin që në moshë të vogël, konkretisht, që nga mosha tre vjeçare.

    “Periudha dyvjeçare me Covid rriti edhe përqindjen e fëmijëve me belbëzimin. Shumë prindër kërkojnë konsulta, sepse stresi thjesht bën të vetën”, shton Tashkova.

    Sipas saj, përdorimi më i vogël i celularëve dhe më shumë vëmendja e prindërve do të ishte një mënyrë reale për të parandaluar dhe ndërhyrë në kohë tek fëmijët që kanë probleme me të folurin.

    Lajmi Paraprak

    EShS: Universiteti “Shën Kirili dhe Metodi” me numër më të madh të të diplomuarve

    Lajmi i rradhës

    Real Madridi fiton trofeun e 14-të në histori të Ligës së Kampionëve

    Lajme tjera

    Bashkohu

    Informohu në kohë