- Është vepër e pëlqyer që agjëruesi ta përshpejton ngrënien e iftarit nëse ka perënduar dielli dhe anasjelltas vonimi i saj është vepër e urryer (mekruh).
- Profeti Muhamed – paqja dhe meshira e Zotit qofte mbi të thotë: “Vazhdojnë njerzit të jenë n’mirësi përderisa e përshpejtojnë iftarin” (Buhariu dhe Muslimi)
- Mirëpo, duhet të kemi kujdes mos ta vonojmë namazin e akshamit nga koha e preferuar, më mirë për agjëruesin do të ishte sikur të marrë abdes para iftarit e të fal namazin menjëherë pas ushqimit, nëse ushqimi është shtruar.
- Ndërsa, nëse ushqimi nuk është shtruar, më mirë është të bëj iftar menjëher me një hurme, ujë, apo diç të ngjashme, pastaj të fal namazin e akshamit në fillim të kohës.
Autor: Vedat Skenderi
