Kur është fjala për kërcënimin e ekonomisë vendase, të anketuarit e Ballkanit Perëndimor janë të një mendje se lufta në Ukrainë përbën rrezik serioz, por sanksionet ekonomike ndaj Rusisë e ndajnë më dysh rajonin, në pro dhe kundër. Sipas Barometrit Rajonal të realizuar nga Këshilli i Bashkëpunimit Rajonal për të matur perceptimet e qytetarëve rreth luftës në Ukrainë, rreth 66% e të anketuarve në Maqedoninë e Veriut, Shqipëri, Kosovë, Serbi, dhe Malin e Zi besojnë se lufta kërcënon ekonominë e tyre lokale dhe 30% mendojnë se ky rrezik është i rëndësishëm. Pothuajse të gjithë qytetarët e Ballkanit Perëndimor janë në favor të sanksioneve ekonomike kundër Rusisë (48%), ndërsa i njëjti numër (45%) nuk i miratojnë ato. Qytetarët nga Kosova prijnë me 84% për miratimin e masave për t’iu bashkuar sanksioneve kundër Rusisë, ndërsa 77% e serbëve janë kundër sanksioneve. Maqedonia e Veriut, Mali i Zi dhe Serbia – kjo e fundit është i vetmi vend në rajon që nuk i është bashkuar të gjitha sanksioneve të BE-së dhe SHBA-së kundër Moskës, pavarësisht thirrjeve për ta bërë këtë.
“Është interesante se deri në 71% e të anketuarve nga Maqedonia e Veriut mendojnë se sanksionet ekonomike nuk duhet të vendosen ndaj Rusisë”, thuhet në barometër. Që do të thotë se Maqedonia e Veriut së bashku me Serbinë dhe Malin e Zi përballen me ndikimin dhe dezinformimin rus në sferën publike. Ndërkohë, Shqipëria dhe Kosova kanë pak probleme për çështje të ngjashme dhe të dyja kanë pranuar refugjatë ukrainas në vendet e tyre përkatëse.
Në të gjitha ekonomitë e rajonit, ka tre shqetësime kryesore në fushën ekonomike: Rënia ekonomike; furnizimin me ushqim dhe gaz dhe sigurimin e ekonomisë së tyre. Rreth 66% e të anketuarve në Shqipëri, Kosovë, Serbi, Maqedoninë e Veriut dhe Malin e Zi besojnë se lufta kërcënon ekonominë e tyre lokale dhe 30% mendojnë se ky rrezik është i rëndësishëm. 77% e qytetarëve në rajon mendojnë se do të ketë rënie ekonomike, 63% kanë pasiguri në furnizimin me gaz, 35% kanë pasiguri ekonomike, 21% kanë frikë nga thellimi i ndarjeve sociale dhe politike, 14% kanë frikë nga ngadalësimi i integrimit në BE dhe 23% i frikësohen një fluksi të ri refugjatësh. Në Serbi, frika nga një fluks refugjatësh ishte veçanërisht e theksuar, me 41% e të anketuarve. Sa i takon perspektivës ekonomike shqiptarët janë më pesimistë nga të gjithë qytetarët e Ballkanit Perëndimor pas pushtimit rus të Ukrainës, me pothuajse gjysma që besojnë se situata nuk do të përmirësohet. Rreth gjysma e të anketuarve thanë se situata do të mbetet e njëjtë për të ardhmen e parashikueshme, një e treta thanë se do të përkeqësohej dhe vetëm 9% mendojnë se kjo do të përmirësohet.
Qytetarët e Kosovës janë më optimistë, me 15% që besojnë në një të ardhme më të ndritur, ndërsa shqiptarët ishin më të zymtë, me 46% që mendojnë se situata do të përkeqësohet. Serbët ishin të dytët për sa i përket mungesës së besimit në situatë, me 41% që mendojnë në këtë mënyrë. /koha/
