Partia e Maqedonasve në Shqipëri kërkon që Regjistrimi i Popullsisë në Shqipëri të vazhdojë në Prespë të vogël, në pjesët ku jetojnë pakicat maqedonase. Në një takim mbarëmaqedonas të zhvilluar në Shtip organizuar nga shoqata “Mirka Ginova” përfaqësuesi i PM, Vasil Sterjovski, duke folur për presionet nga Bullgaria dhe indiferencën nga shteti shqiptar ka thënë se popullsia e zonës së Prespës kanë qenë të detyruar të regjistrohen si bullgarë.
“Vumë në dukje të gjitha presionet e ushtruara nga Bullgaria dhe faktin që Shqipëria i dha hapësirë të lirë për të kryer Censusin realisht në Bullgari dhe jo në Shqipëri dhe për të gjitha këto reaguam. Qeveria shqiptare ishte e njohur me vetë procesin, sepse ne ndiqnim çdo ditë gjërat në terren, çfarë po ndodhte dhe gjithçka që na vinte si informacion për presione, kërcënime, ndërhyrje nga vetë strukturat e shtetit shqiptar, qoftë ai bullgar. Ambasada në Shqipëri, por edhe struktura të tjera që punojnë për Shqipërinë, për t’i detyruar maqedonasit të regjistrohen si bullgarë”, ka thënë Sterjovski.
Të gjitha parregullsitë e regjistruara i kanë dorëzuar në Qeverinë e Shqipërisë dhe në të gjitha ambasadat e huaja në vend. Por, sipas tij, Qeveria e Shqipërisë deri më tani nuk ka marrë asnjë masë që të tregojë se Bullgaria përmes regjistrimit të popullsisë në pjesët ku jetojnë maqedonasit në Shqipëri, ka ndërhyrë drejtpërdrejt në punët e brendshme dhe në vetë procesin e regjistrimit të popullsisë. Sipas tij regjistrimi në Prespë ka zgjatur gjashtë javë, por në realitet regjistrimi është bërë në terren për gjithsej tre javë. “Në tre javët e fundit të regjistrimit zyrtar, banorët që jetojnë fizikisht nuk janë regjistruar, problemi me ne është se jemi rajon kufitar me Maqedoninë dhe Greqinë dhe shumica e njerëzve e sigurojnë jetesën me punë sezonale qoftë në Greqi, ose në Maqedoni.
Në kufi, nëse shkon çdo ditë, çdo ditë në Maqedoni hyjnë nga 400 deri në 500 persona në këtë periudhë, sepse është vjelja e mollës në Resnjë dhe shumë nga këta banorë nuk janë të regjistruar. Pra ka ankesa nga vetë banorët se regjistruesit nuk i numërojnë. Edhe atëherë kemi reaguar zyrtarisht pasi ka ndodhur ky problem. I kërkuan Tiranës që t’i numëronte, por kishte problem që komisionet e regjistrimit, regjistruesit nuk i regjistruan dhe këtu dyshojmë se është një ndikim i drejtpërdrejtë i Bullgarisë, që popullsia e përgjithshme në Prespë të vogël të ishte sa më e vogël, por edhe të maqedonasve, thotë Sterjovski. Por sipas tij kjo mund të jetë një strategji e Shqipërisë që do të shfuqizojë bashkinë, me arsyetimin se nuk ka banorë të mjaftueshëm. /koha/
